A conferencia desenvolverase no Palacio da Ópera da Coruña e acollerá a 21 poñentes. Está dirixida tanto a profesionais, académicos e estudantes das diferentes temáticas como a públicos non especializados nas cuestións da auga pero que poden ter interese profesional ou persoal, como alcaldes, grupos ecoloxistas, asociacións de consumidores, amas de casa ou confrarías de pescadores. Algúns dos asistentes serán Pedro Arrojo, Presidente da Fundación Nueva Cultura del Agua; Marion Hammerl, Presidenta da Fundación Global Nature en España, ou o Catedrático de Edafoloxía e Química Agrícola da USC Francisco Díaz-Fierros.

O conselleiro de Presidencia, Administracións Públicas e Xustiza, Alfonso Rueda, e o coordinador das viaxes do Papa Benedicto XVI, Alberto Gasbarri, visitaron as instalacións do Palacio de Congresos e Exposicións, que dende o 5 de novembro albergará o Centro Internacional de Prensa que a Xunta de Galicia vai poñer en marcha para facilitar a labor dos xornalistas que cubran a visita do Papa Benedicto XVI a Galicia. Estímase que entre 100 e 150 millóns de persoas verán por televisión algún momento da visita do Pontífice a Santiago

A secretaria xeral da Consellería de Sanidade, Sagrario Pérez Castellanos, sinalou en comisión parlamentaria que a situación da Fundación Galicia Saúde en xullo de 2005 -segundo consta no acta de reunión do seu Padroado- era dun superavit de 1,6 millóns de euros, pechado o exercicio en abril dese ano como esixe a lexislación arxentina. En xaneiro de 2006 foi encargada unha auditoría de contas, que se presentou en maio dese mesmo ano e confirmou ese superavit. “Sen embargo, non só non foron capaces de mantela senón que embarcaron á Fundación Galicia Saúde nunha sorte de lances incomprensibles, cun déficit desbocado e con débedas acumuladas que cada vez situaban á Fundación máis lonxe do seu obxecto fundacional”, lamentou Pérez Castellanos.

 O director xeral de Conservación da Natureza da Consellería do Medio Rural, Ricardo García-Borregón, inaugurou na Facultade de Veterinaria de Lugo, o XIV Congreso Ibérico de Entomoloxía. Ricardo García-Borregón abriu estas xornadas dando paso á Conferencia inaugural titulada “Insectos, bichos y bestias”, da man do profesor Juan José Moralejo Álvarez. O congreso está organizado polo Departamento de Zooloxía e Antropoloxía Física da Universidade de Santiago de Compostela e celébrase do 1 ao 4 de setembro na Facultade de Veterinaria de Lugo.